Cruthachadh Chothroman: A’ Cur ri Fàs san Àm ri Teachd

Read in English

DÈ TH’ ANN?

Fuasgail do chomas ann an gnothachas agus cultar Gàidhlig. 

A bheil thu a’ coimhead ri do bhuidheann fhàs, do sgilean gnothachais Gàidhlig a leasachadh, no nas urrainn dhut fhaotainn à Gàidhlig mar mhaoin eaconamach? Tha Cruthachadh Chothroman an seo airson do chuideachadh le d' amasan a choileanadh.

Tha am prògram pìleit spreagail ùr seo, a tha air a lìbhrigeadh le HIE agus le taic bho Bhòrd na Gàidhlig, air a dhealbhadh do dhaoine fa leth agus do bhuidhnean a tha deiseil airson an gnìomhachdan cuimsichte air Gàidhlig a thoirt chun na h-ath ìre.

MUN PHRÒGRAM:

Cuiridh Cruthachadh Chothroman taic riut ann an rannsachadh chothroman ùra, grinneachadh do ro-innleachd gnothachais, agus mapadh shlighean soilleir airson fàs. Gheibh thu stiùireadh bho luchd-cuideachaidh eòlach agus stiùirichean tionnsgaineach a tha a’ tuigsinn nan dùbhlan gun choimeas agus na cothroman a tha taobh a-staigh a’ chruth-tìre gnothachas Ghàidhlig.

Bidh am prògram air a lìbhrigeadh ann an Gàidhlig far an gabh sin a dhèanamh, agus aig an aon àm a’ dèanamh cinnteach à in-ghabhalachd do chomasan cànain uile. Tha raointean fòcais a’ gabhail a-steach:

• Leasachadh sgilean gnothachais – neartachadh do chomas air do bhuidheann fhàs agus a chumail suas.
• Gàidhlig mar mhaoin eaconamach -  faigh dòighean air Gàidhlig amalachadh a-steach don mhodail gnothachais.
• Lìonraidheadh agus meantoradh -  dèan ceangal le tionnsgainnich eile mar thu fhèin agus stiùirichean gnìomhachais.
• Adhartachadh cultarach – rannsaich mar as urrainn do dhearbh-aithne Gàidhlig luach a chur ri do ghnothachas.

CÒ A THA AIRIDH:

Tha sinn a’ sireadh dhaoine fa leth agus buidhnean a tha airson:

• an gnothachas no an gnìomhachdan co-cheangailte ri Gàidhlig a thòiseachadh, a sgèileadh no fheabhasachadh. 
• an sgilean gnothachais agus ro-innleachdan a leasachadh taobh a-staigh na coimhearsnachd Gàidhlig.
• rannsachadh a dhèanamh air mar a ghabhas Gàidhlig a cleachdadh airson buaidh agus seasmhachd a’ bhuidhinn àrdachadh.

MAR A NÌ SIBH TAGRADH

Tha cothrom Nochdadh Ùidh fosgailte a-nis.

Is e prògram pìleit a tha seo le 10 àiteachan a-mhàin ri fhaotainn, mar sin na caill an cothrom air com-pàirt a ghabhail.

Airson d’ ùidh a nochdadh, lìon a-steach am foirm air-loidhne air an duilleag seo.