Do Chànan. Do Chothrom.

Mise agus Gàidhlig

‘S ann à sgìre nan Loch, Eilean Leòdhais a tha mi agus tha mi fhathast a’ fuireach ann an-diugh.

Fhuair mi an cothrom a dhol tro Foghlam tro mheadhan na Gàidhlig an dà chuid sa bhun-sgoil agus an Àrd-sgoil. As dèidh dhomh an sgoil fhàgail chaidh mi a Ghlaschu airson ceum a dhèanamh ann an Gàidhlig aig Oilthigh Ghlaschu. Mar tòrr eile ‘s e a’ ghlasadh a thug dhachaigh mi. Tha mi an-diugh na strìuriche air a’ chompanaidh ASTAR agus sgioba de shianar againn a’ lìbhrigeadh iomadh seòrsa phròiseactan dha companaidhean diofraichte.

 Tha mi fortanach gu bheil an cothrom agam mo chuid Ghàidhlig a chleachdach le mo theaghlach, caraidean, aig m’obair agus sa choimhearsnachd.

Tha e duilich a chur ann am faclan na tha ann de chothroman dhuinn uile mar luchd-labhairt na Gàidhlig.

Tha e cudromach gu bheil sinn ag aineachadh na tha an cànan a’ toirt dhuinn a thaobh cothroman obrach, cultarail agus sòisealta. Cumaibh oirbh a bhith ga bruidhinn agus gabh na cothroman nuair a thig iad!

Tha mi a’ smaoineachadh nach eil e gu diofar cò thu no na tha thu a‘ dèanamh, tha Gàidhlig dìreach a’ cur ris. An cuala tu a-riamh duine ag ràdh “B’fhèarr leam nach robh Gàidhlig agam”?